ඕස්ට්‍රේලියාවේ අයවැය අතිරික්තය ඩොලර් බිලියන 19 ක් දක්වා ඉහළ ගොස් ඇති බව අගමැති ඇන්තනී ඇල්බනීස් පවසනවා.
පසුගිය අයවැය කථාව ඉදිරිපත් කරමින් ෆෙඩරල් භාණ්ඩාගාරික ඇමති ජිම් චාම්ර්ස් සඳහන් කලේ මැයි මාසය අග වනවිට ඩොලර් බිලියන 4.2 ක අයවැය අතිරික්තයක් පවතිනු ඇති බවයි.
කෙසේවෙතත් මේ වනවිට එය අපේක්ෂා කල මට්ටමට වඩා 05 ගුණයක පමණ වැඩිවීමක් පෙන්නුම් කර ඇති බවයි අගමැති ඇල්බනීස් අනාවරණය කරන්නේ.
ඕස්ට්‍රේලියා ඉතිහාසයේ ඉහළම අයවැය අතිරික්තය වාර්තා වී තිබුණේ 2007-2008 වකවානුවේදී ඩොලර් බිලියන 19.8 ක් ලෙසයි.
වසරකට පෙර ආදායමට වඩා වියදම ඉහළගොස් අයවැය හිගයක්ව තිබූ ආර්ථිකයක් මේ වනවිට අයවැය අතිරික්තයක් දක්වා වර්ධනය කිරීමට හැකිවීම ලේබර් පක්ෂ රජයේ ආර්ථික වැඩපිළිවෙලෙහි සාර්ථකත්වය පෙන්නුම් කෙරෙන්නක් බවයි අගමැතිවරයා අවධාරණය කරන්නේ.
අපහසුතා මධ්‍යයේ වුවද ජනතාවට සහන දීමේ වැඩපිළිවෙල ඉදිරියට පවත්වාගෙන යන බවටත් ඔහු සහතික වනවා.
