සිඩ්නි නගරයේ සිය අලෙවිසැල් කිහිපයක පවතින භාණ්ඩ හිගයට හේතුව එක් බෙදාහැරීම් මධ්‍යස්ථානයක රාජකාරි අතරතුර සේවකයෙකු මියායාමේ සිදුවීම බව Woolworths සුපිරි වෙළඳසැල් ජාලය පවසනවා.
අදාළ බෙදාහැරීම් මධ්‍යස්ථානයේ මෙහෙයුම් කටයුතු මේ දක්වා පූර්ණව වශයෙන් යථා තත්වයට පත්වී නොමැති බවයි ඔවුන් නිකුත් කර ඇති නිවේදනයක දැක්වෙන්නේ.
සිඩ්නි නගරයේ Woolworths ගබඩාවක පසුගිය අගහරුවාදා සිදුවු හදිසි අනතුරකින් 37 හැවිරිදි අයෙකු මරණයට පත්ව තවත් දෙදෙනෙකු තුවාල ලැබුවා.
ගොඩගසා තිබූ පැලට් තොගයක් ඔවුන් මතට කඩා වැටීමෙන් මෙම අනතුර සිදුවූ බවටයි තහවුරු කරගෙන ඇත්තේ.
මෙම බෙදාහැරීම් මධ්‍යස්ථානයෙන් බෙදා හැරීම් සිදු කෙරෙන එළවලු සහ පළතුරු වල හිගයක් මේ අනුව උද්ගතවී ඇති බව සඳහන්.
කෙසේවෙතත් මෙම තත්වය හැකි ඉක්මණින් යථා තත්වයට පත් කරන බවටද Woolworths සුපිරි වෙළඳසැල් ජාලය සහතික වනවා.
