මෙල්බන් ඉන්න ලාංකික බර ඉසිලීමේ ශූරයාට තවත් රන් පදක්කමක්

පසුගියදා සිඩ්නි නුවර පැවති All Australian Masters Weightlifting බර ඉසිලීමේ තරගාවලියේදී රන් පදක්කමක් දිනා ගැනීමට මෙල්බන් නුවර වාසය කරන ශ්‍රී ලාංකික බර ඉසිලීමේ ශූරයෙකු වන පූර්ණ කාහිංගල සමත්වී තිබෙනවා.

ඒ අනුව Snatch ක්‍රමයට කිලෝ 87 ක් සහ Clean & Jerk ක්‍රමයට කිලෝ 117 ක බරක් ඔසවමින් ඔහු මෙම දක්ෂතාව දැක්වීමට සමත්වුණා.

එය නව වික්ටෝරියානු වාර්තාවක් වීමද විශේෂත්වයක්.

පසුගිය මාර්තු මාසයේ පැවති World Masters ලෝක ශූරතා බර ඉසිලීමේ තරගාවලියේදී රිදී පදක්කමක් දිනා ගැනීමටද පූර්ණ කාහිංගල සමත්වී තිබුණා.

බර ඉසිලීමේ ලෝක ශූරතා – ආසියානු ශූරතා – කලාපීය තරගාවලි ඇතුලු ශූරතා 17 කට වැඩි සංඛ්‍යාවත් නියෝජනය කර ඇති පූර්ණ කාහිංගල, වසර 20 කට වැඩි කාලයක් පුහුණුකරුවෙකු සහ විනිසුරුවරයෙකුද ලෙස කටයුතු කර තිබෙනවා.

අවස්ථා 05 කදී ශ්‍රී ලංකාවේ බර ඉසිලීමේ ජාතික ශූරයා ලෙසද ඔහු වාර්තා අතරට එක්ව සිටියා.

 

සිඩ්නි ත්‍රස්ත මර්දන වැටලීමකින් බාල වයස්කරුවන් පිරිසක් අත්අඩංගුවට

සිඩ්නි සහ ගෝල්බර්න් හි සිදු කළ ත්‍රස්ත මර්දන වැටලීම්වලින් බාල වයස්කරුවන් පස් දෙනෙකු අත්අඩංගුවට ගෙන තිබෙනවා.

Read More »

මෙල්බන් කාන්තාවන්ගේ ආත්මාරක්ෂාවට ෆෙඩරල් රජයෙන් ඉල්ලීමක්

වික්ටෝරියා ප්‍රාන්තයේ කාන්තාවන්ට ආරක්ෂාව සඳහා ගම්මිරිස් ඉසින රැගෙන යාමට අවසර ලබා දෙන ලෙස ඉල්ලා ෆෙඩරල් රජයට ලැබෙන ඇමතුම් වැඩි වී තිබෙනවා.

Read More »

යුද විරුවන් සමරන ANZAC දිනය වෙනුවෙන් සැමරුම් වැඩසටහන් රැසක්

දෙවන ලෝක යුද සමයේදී සහ අනෙකුත් යුද ගැටුම්වලදී මියගිය ඔස්ට්‍රේලියා සහ නවසීලන්ත රණවිරුවන් සමරන ඇන්සක් (ANZAC) දිනය අදට යෙදී තිබෙනවා.

Read More »