දින 04 ක වැඩ කරන සතිය අත්හදා බලන ඔස්ට්‍රේලියානු සමාගම් අපේක්ෂිත ප්‍රථිඵල අත්කරගෙන ඇති බව තහවුරු වී තිබෙනවා.
එම වැඩපිළිවෙල ස්ථිරවම ක්‍රියාත්මක කරන සමාගම් 04 ක් සහ අත්හදා බලන සමාගම් 06 ක් ආශ්‍රිතව ලබාගත් තොරතුරු මත පදනම්වයි එම දත්ත ප්‍රකාශයට පත් කර ඇත්තේ.
කලින් රාජකාරි සිදුකල පැය ගණනෙන් සියයට 80 ක් පමණක් රැකියා කර වැටුප නොවෙනස්ව ලබාදීම මෙහිදී සිදුවනවා.
සේවකයන්ගෙන් සියයට 92 ක් පමණ ඊට ප්‍රසාදය පළකර ඇති බවයි නවතම සමීක්ෂණයක දැක්වෙන්නේ.
එමෙන්ම සමීක්ෂණයට දායක වූ සමාගම් 10 අතුරින් 07 ක ඵලදායිතාවය ඉහළගොස් ඇති අතර ඉතිරි 03 හි ඵලදායිතාවය නොවෙනස්ව පැවතීමද විශේෂත්වයක්.
තොරතුරු සහ සන්නිවේදන අංශයට සම්බන්ධ සමාගම් රැසක් මෙම වැඩ කරන දින 04 සතියට නැඹුරුවීමේ ඉහළ ප්‍රවණතාවයක් පවතින බවයි අනාවරණය වන්නේ.
