බටහිර ඔස්ට්‍රේලියාව දක්වා රැගෙනඑමින් තිබූ කොකේන් කිලෝ 800 කට වැඩි ප්‍රමාණයක් සමග සැකකරුවන් 03 දෙනෙකු ඔස්ට්‍රේලියානු ආරක්ෂක අංශ භාරයට ගෙන තිබෙනවා.
එය සැළකෙන්නේ දශක කිහිපයකට පසු සිදුකල විශාලතම මත්ද්‍රව්‍ය වැටලීමක් ලෙසයි.
මෙම කොකේන් තොගයේ වටිනාකම ඩොලර් මිලියන 320 කට අධික බවයි පැවසෙන්නේ.
අදාළ මත්ද්‍රව්‍ය පාර්සල් 29 ක් ලෙස අසුරා තිබී ඇති අතර බටහිර ඔස්ට්‍රේලියා මුහුදු තීරය ආසන්නයේදී මුහුදට පතිත කිරීම ජාවාරම්කරුවන්ගේ සැළසුම වී තිබුණා.
දකුණු අමෙරිකානු රටක සිටයි මෙම මත්ද්‍රව්‍ය තොගය එවා ඇත්තේ.
අත්අඩංගුවට ගත් සැකකරුවන් 21 – 25 සහ 29 යන වයස්වල පසුවනවා.
