තම සේවකයන්ට නියමිත වැටුප් අඩුවෙන් ගෙවීම සම්බන්ධයෙන් ඔස්ට්‍රේලියාවේ ප්‍රධාන සුපිරි වෙළඳසැල් ජාලයක් වන Coles විසින් සමාව අයැද තිබෙනවා.
2021 වසරේ සිදුකල සමාලෝචනයකදී අනාවරණ වී තිබුණේ Coles සේවකයන්ට හිමි වැටුප් ඩොලර් මිලියන 25 ක් පමණ අඩුවෙන් ගෙවා ඇති බවයි.
කෙසේවෙතත් එම මුදල ඩොලර් මිලියන 50 ක් වැනි ඉහළ අගයක් ගන්නා බව Coles සුපිරි වෙළඳසැල් ජාලය අද නිකුත් කර ඇති වාර්තාවක සඳහන්.
කළමණාකරුවන් ඇතුලු සියලු අංශවල සේවකයන්ට මෙලෙස අඩු වැටුප් ගෙවා ඇති බවද සඳහන්.
බහුතරයකට මුහුණපෑමට සිදුවී තිබුණේ සේවා මුරයේදී නියමිත කාලයට වඩා වැඩියෙන් රැකියාවේ නිරත වුවද එම අමතර කාලයට හිමි වැටුප් නොලැබීම බවයි වාර්තා වන්නේ.
