Buy Now Pay Later සේවා සඳහා අද සිට දැඩි රෙගුලාසි

පළමුවෙන් භාණ්ඩය ගෙන පසුව මුදල් ගෙවීම හෙවත් Buy Now Pay Later (BNPL) සේවා සඳහා දැඩි රෙගුලාසි පැණවීමට ඔස්ට්‍රේලියානු ෆෙඩරල් රජය පියවර ගෙන තිබෙනවා.

Afterpay සහ Zip වැනි සේවා භාවිත කරන මිලියන 07 කට ආසන්න පිරිසකට මෙම නව කොන්දේසි බලපැවැත්වෙනු ඇති.

කිසියම් භාණ්ඩයක් පසුව මුදල් ගෙවීමේ පදනම මත ගැනීමට පාරිභෝගිකයෙකු විසින් කටයුතු කිරීමේදී ඔහුට හෝ ඇයට වාරික වශයෙන් එය ගෙවා දැමීමට හැකියාවක් ඇතිදැයි විමසා බැලීම අනිවාර්ය වනු ඇති.

අඛණ්ඩව වාරික ගෙවීම් පැහැර හරින පාරිභෝගිකයන්ට ඉදිරියේදී වෙනත් භාණ්ඩ මිළදී ගැනීම අවහිර කිරීමද ප්‍රධාන සංශෝධනයක් වනවා.

BNPL සේවා භාවිත කරන බොහොමයක් දෙනා වයස අවුරුදු 35 ට අඩු තැනැත්තන්වීමත් සැළකිය යුතු පිරිසකට ස්ථිර ආදායම් මාර්ගයක් නොමැතිවීමත් මෙහිදී අවධානය යොමුකර ඇති කරුණු අතර වනවා.

එමෙන්ම එක් අයෙකුට ගිණුම් කිහිපයක් පවත්වාගෙන යාම වළක්වාලිය හැකි ක්‍රමවේදයක්ද ඉදිරියේදී හඳුන්වාදීමට නියමිතයි.

ඔස්ට්‍රේලියාවේ අඩු ආදායම්ලාභීන් වෙනුවෙන් ඉල්ලීමක්

අඩු ආදායම්ලාභී පවුල් සඳහා මුල් ළමාවිය අධ්‍යාපන පහසුකම් ඇතුලු ළමා රක්ෂණ සේවා නොමිලේ ලබා දෙන්නැයි ඵලදායිතා කොමිෂන් සභාව ෆෙඩරල් රජයෙන් ඉල්ලීමක් කර තිබෙනවා.

Read More »

ජීවිත 6ක් බිලිගත් සිඩ්නි ප්‍රහාරය ගැන තවත් තොරතුරු හෙළිවෙයි

සිඩ්නි නැගෙනහිර වෙස්ට්ෆීල්ඩ් බොන්ඩායි ජන්ෂන් හි සාප්පු මධ්‍යස්ථානයකදී පුද්ගලයන් කිහිප දෙනෙකුට පිහියෙන් ඇනීමෙන් පසු පොලිස් වෙඩි පහරින් මිය ගිය 40 හැවිරිදි වියේ පසුවන පුද්ගලයා හඳුනා ගැනීමට පොලිසිය තවදුරටත් විමර්ශන සිදු කරමින් පවතිනවා.

Read More »

සිඩ්නි වෙස්ට්ෆීල්ඩ් සාප්පු සංකීර්ණයේ පිහි ඇනුමෙන් 7ක් ජීවිතක්ෂයට

සිඩ්නි හි නැගෙනහිර වෙස්ට්ෆීල්ඩ් බොන්ඩි හන්දියේ සාප්පු මධ්‍යස්ථානයේදී සිදු වූ පිහි ඇනුමෙන් සහ වෙඩි තැබීමෙන් ප්‍රහාරකයා ඇතුලු පුද්ගලයන් 7දෙනෙකු මියගොස් තිබෙනවා.

Read More »

සිඩ්නි සාප්පු සංකීර්ණයේ පිහි ඇනුමෙන් 4ක් ජීවිතක්ෂයට පත්වී ඇතැයි තොරතුරු

සිඩ්නි වෙස්ට්ෆීල්ඩ් හි සාප්පු සංකීර්ණයක සිදු වූ පිහි ඇනුම් සහ වෙඩි තැබීමේ සිදුවීම හේතුවෙන් පුද්ගලයන් 4 දෙනෙකු මියගොස් ඇතැයි වාර්තා වනවා.

Read More »

සිඩ්නි සාප්පු සංකීර්ණයක පිහි ඇනුමක් සහ වෙඩි තැබීමක්

සිඩ්නි නැගෙනහිර ප්‍රදේශයේ වෙස්ට්ෆීල්ඩ්හි සාප්පු මධ්‍යස්ථානයක් තුළ සිදු වූ පිහි ඇනුමක් සහ වෙඩි තැබීමකින් පසු ජනතාවට ඉවත්වන ලෙසට දැනුම් දී තිබෙනවා.

Read More »