ලබන මාසයට යෙදී ඇති ක්වීන්ස්ලන්ඩ් ප්‍රාන්ත රජයේ අයවැය ලේඛණය හරහා පවුල් දහස් ගණනකට Kindergarten ගාස්තු අය නොකර නොමිළයේ ලබාදීමට යෝජනාවී තිබෙනවා.
ඉහළ යන ජීවන වියදමට විසඳුමක් ලෙස හඳුන්වාදෙන සහන පැකේජයට එයද අන්තර්ගත වන බවයි ප්‍රාන්ත අගමැතිනිය සඳහන් කලේ.
ප්‍රාන්තයේ අඩු ආදායම්ලාභී සහ විවිධ රෝගාබාධවලින් පෙළෙන ළමුන් 14,000 ක් සඳහා දැනට Kindergarten ගාස්තු අයකිරීමක් සිදුවන්නේ නැහැ.
තවත් ළමුන් 26,000 කට පමණ එම සහනය ලබාදීම ප්‍රාන්ත රජයේ අපේක්ෂාව බවයි අගමැතිනිය කියාසිටියේ.
ලබන වසර සඳහා වන ක්වීන්ස්ලන්ඩ් ප්‍රාන්ත රජයේ අයවැය ලේඛණය ලබන ජූනි 13 වනදා ප්‍රාන්ත පාර්ලිමේන්තුවට ඉදිරිපත් කෙරෙනු ඇති.
