ජෙට් ස්ටාර් ගුවන් සේවය විසින් ගුවන් ගමන්වලට අදාළ වේලාවන් සංශෝධනයක් සිදුකර තිබෙනවා.
ලබන 23 වනදා සිට මෙම නව සංශෝධන බලාත්මක වන බවයි ඔවුන් විසින් නිකුත් කර නිවේදනයක දැක්වෙන්නේ.
මේ අනුව අභ්‍යන්තර ගුවන් ගමන් සඳහා check in අවසන් කිරීමේ කාලය දැනට ගුවන් ගමනට විනාඩි 30 ක් පෙර ලෙස පවතින අතර එය විනාඩි 40 ක් ලෙස වෙනස් වනු ඇති.
අභ්‍යන්තර ගුවන් ගමන් සඳහා boarding gates වසා දැමීමේ කාලය දැනට ගුවන් ගමනට විනාඩි 15 ක් පෙර ලෙස පවතින අතර එය විනාඩි 20 ක් ලෙස සංශෝධනය වීමට නියමිතයි.
ජාත්‍යන්තර ගුවන් ගමන් සඳහා check in අවසන් කිරීමේ කාලය විනාඩි 60 ක් ලෙසද boarding gates වසා දැමීමේ කාලය විනාඩි 20 ක් ලෙසද ලබන 23 වනදා සිට වෙනස් වන බව ජෙට් ස්ටාර් ගුවන් සේවය දන්වා සිටිනවා.
ගුවන් ගමන් නියමිත වේලාවට ආරම්භ කිරීම සහ ප්‍රමාදයන් මග හරවා ගැනීම මෙහි මූලික අපේක්ෂාව වී තිබෙනවා.
