වික්ටෝරියා ප්‍රාන්තවාසීන්ට මුද්දර ගාස්තු වෙනුවට ඉඩම් බදු ගෙවිය හැකි සංශෝධනයක්

වික්ටෝරියා ප්‍රාන්තයේ නිවාස මිළදී ගන්නන්ට මුද්දර ගාස්තු වෙනුවට ඉඩම් බදු මුදල් ගෙවිය හැකි පරිදි සංශෝධනයක් ගෙන ඒමට ප්‍රාන්ත රජය සූදානම් වනවා.

මුද්දර ගාස්තු ක්‍රමය පිළිබඳ චෝදනා එල්ලවීමත් ප්‍රාන්තයේ නිවාස ගැටලුව කඩනමින් විසඳා ගත යුතුව තිබීමත් සැළකිල්ලට ගෙනයි මෙම තීරණය ගෙන ඇත්තේ.

පසුගිය වසරේදී මුද්දර ගාස්තු හරහා වික්ටෝරියා ප්‍රාන්ත රජය විසින් උපයාගනු ලැබූ ආදායම ඩොලර් බිලියන 10.4 ක් හෙවත් ප්‍රාන්ත රජයේ සමස්ත බදු ආදායමෙන් සියයට 34 කට ආසන්න වුණා.

ඔස්ට්‍රේලියාවේ වැඩිම බදු මුදල් ප්‍රමාණයක් ගෙවන ප්‍රාන්තවාසීන් වන්නේද වික්ටෝරියා ප්‍රාන්තවාසීන් වන අතර වසරකදී එක් අයෙකු විසින් ගෙවන බදු මුදල ඩොලර් 5,638 ක් ලෙසටයි තක්සේරු කර ඇත්තේ.

ලබන ජූලි පළමුවනදා සිට නිවු සවුත් වේල්ස් ප්‍රාන්ත රජයද මුද්දර ගාස්තු සංශෝධනය කර ඇති අතර ඒ අනුව පළමුවරට මිළදී ගන්නන් සඳහා ඩොලර් ලක්ෂ 08 ක උපරිමයකට යටත්ව නිවාස මුද්දර ගාස්තුවෙන් නිදහස් කෙරෙනු ඇති.

තරග පැරදුණු ශ්‍රී ලංකා කණ්ඩායම ගංවතුරට කොටුවෙයි

අමෙරිකාවේ ෆ්ලොරිඩා ප්‍රාන්තයට බලපෑම් කර ඇති ජලගැලීම් තත්ත්වය හේතුවෙන් ශ්‍රී ලංකා ක්‍රිකට් කණ්ඩායමට ද බටහිර ඉන්දීය දූපත් බලා පිටත්ව යාමට නොහැකි වී ඇතැයි වාර්තා වනවා.

Read More »

ඔස්ට්‍රේලියානුවන්ගේ රැකියා සම්බන්ධ නවතම තත්වය මෙන්න

ඔස්ට්‍රේලියාව තුළ නව රැකියා 40,000ක් නිර්මාණය වීමත් සමඟ විරැකියා අනුපාතය සුළු වශයෙන් පහත වැටී ඇතැයි නවතම සමීක්ෂණ මගින් අනාවරණ වී තිබෙනවා.

Read More »