ඔස්ට්‍රේලියාව තුළ විවිධ වංචා සහ ඔන්ලයින් මූල්‍ය අපරාධ වළක්වාලීම සඳහා නව ජාතික මධ්‍යස්ථානයක් ස්ථාපිත කර තිබෙනවා.
ඩොලර් මිලියන 86 ක ප්‍රතිපාදන වෙන් කර ඇති එය ලබන ජූලි මාසයේ සිට ක්‍රියාත්මක වීම ආරම්භ වනු ඇති.
Scam ඝනයට යටත්වන මූල්‍ය අපරාධ පැමිණිලි ක්ෂණිකව විමර්ශනය සහ සයිබර් ප්‍රහාරවල බලපෑම අවම කරගැනීම යනාදී කටයුතු කෙරෙහි මෙහිදී වැඩි අවධානයක් යොමු කිරීමට නියමිතයි.
ලොව වැඩිම සයිබර් ප්‍රහාරවලට ගොදුරුවන ජාතියක් ලෙස ඔස්ට්‍රේලියානුවන් සැළකෙන අතර පසුගිය වසරේදී ඔවුන් විසින් එලෙස අහිමි කරගෙන ඇති මුදල ඩොලර් බිලියන 03 ක්.
එය 2021 වසර හා සැසඳීමේදී සියයට 80 ක පමණ ඉහළයාමක් බවයි පාරිභෝගික කොමිසම නිකුත් කර ඇති දත්ත වාර්තාවල දැක්වෙන්නේ.
ප්‍රධාන බැංකු 04 හි ගණුදෙනුකරුවන් 31,000 ක් විසින් පසුගිය මාස 12 දී විවිධ වංචා හමුවේ අහිමි කරගෙන ඇති මුදල ඩොලර් මිලියන 558 ක් ලෙසටද තක්සේරු කර තිබෙනවා.
