බ්‍රිස්බේන් නගර සභාව සිය බල ප්‍රදේශය තුළ ස්ථාපිත කර ඇති CCTV කැමරා මගින් පසුගිය වසර තුළ වැරදි 1,600කට ආසන්න ප්‍රමාණයක් ග්‍රහණය කරගෙන ඇතැයි අනාවරණ වී තිබෙනවා.
නගර සභා බලධාරීන් තරුණ අපරාධවලට එරෙහිව ක්‍රියාත්මක වීම සඳහා තවත් කැමරා 240ක් සවි කර ඇති අතර හඳුනා ගත් වැරදි සම්බන්ධයෙන් CCTV දර්ශන ද නිකුත් කර ඇති බවයි වාර්තා වන්නේ.
CCTV කැමරා දර්ශන ඔස්සේ හඳුනා ගත් වඩාත් සුලභ සිදුවීම් අතර අවිනීත හැසිරීම, මත්පැන් වැරදි, පහරදීම් සහ සොරකම් වනවා.
කවුන්සිලයේ කැමරා 3,500ක් පැය 24 පුරාම අපරාධ වැළැක්වීමට සහ නීතිය ක්‍රියාත්මක කිරීමට සහය වීමට කටයුතු කරමින් සිටිනවා.
කිසියම් නීති විරෝධී සිදුවීමකදී නිරීක්ෂක නිලධාරීන්ට අදාළ කැමරාව සෘජුවම පාලනය කළ හැකි අතර දර්ශන විශාල කර නැරඹීමේ හැකියාව ද පවතිනවා.
ක්වීන්ස්ලන්ඩ් පොලිස් සේවයේ බ්‍රිස්බේන් දිස්ත්‍රික් වැඩබලන අධිකාරී ජෝන් කෙන්ට් පැවසුවේ සීසීටීවී කැමරා පවතින බව දැන ගැනීම හේතුවෙන් මිනිසුන් වැරදි කිරීමට ඇති ඉඩකඩ අඩු බවයි.
