ඔස්ට්‍රේලියාව සහ මහා බ්‍රිතාන්‍යය ඇතුලු රටවල් කිහිපයක් සඳහා තවදුරටත් Model S සහ Model X වර්ගයේ මෝටර් රථ අලෙවි නොකිරීමට ටෙස්ලා මෝටර් රථ සමාගම තීරණය කර තිබෙනවා.
එම මාදිලිවල මෝටර් රථ සුක්කානම වම් පසින් පිහිටා තිබීමත් ඔස්ට්‍රේලියාව සහ මහා බ්‍රිතාන්‍යය ඇතුලු රටවල් කිහිපයක ඒ සඳහා අවසර නොතිබීමත් ඊට හේතුවයි.
අදාළ මෝටර් රථවල සුක්කානම දකුණු පසින් නිෂ්පාදනය කිරීමට ටෙස්ලා සමාගම එකග වී නොමැති බව සඳහන්.
ඒ අනුව S සහ X වර්ගවල මෝටර් රථ තවදුරටත් ඔස්ට්‍රේලියානු සහ මහා බ්‍රිතාන්‍යය ඇතුලු රටවල් කිහිපයක වෙළඳපොළ වෙත නිකුත් කෙරෙන්නේ නැහැ.
දැනටමත් එම මාදිලිවල මෝටර් රථ මිළදී ගැනීමට ඇණවුම් ලබාදි ඇති පාරිභෝගිකයන්ට මුලු මුදලම නැවත ලබාගැනීමට හෝ ටෙස්ලා හි වෙනත් මාදිලියක මෝටර් රථයක් ඇණවුම් කිරීමටද අවස්ථාව පවතිනවා.
