මෙල්බන් හි උප නාගරික කලාප 02 ක උපරිම රිය ධාවන වේගය පැයට කිලෝමීටර් 30 ක් දක්වා අඩු කිරීමේ යෝජනාවක් ඉදිරිපත් වී තිබෙනවා.
කොලින්ග්වුඩ් සහ ෆිට්ස්රෝයි ප්‍රදේශවල සියලු මාර්ග සඳහා බලාත්මක වන අයුරිනුයි යාරා නගර කවුන්සිලය විසින් මෙම යෝජනාව සළකා බලමින් සිටින්නේ.
මේ හරහා රිය අනතුරු මරණ සංඛ්‍යාව මෙන්ම අදාළ ප්‍රදේශවල රථවාහන තදබදයද අවම වනු ඇති බවටයි අනාවැකි පළවන්නේ.
පැයට කිලෝමීටර් 40 ක උපරිම වේගයට වඩා පැයට කිලෝමිටර් 30 ක උපරිම වේගයේදී මාරක රිය අනතුරු සංඛ්‍යාව සියයට 06 කින් පමණ අඩුවනු ඇති බව සඳහන්.
මීට අදාළ ඡන්ද විමසීම යාරා නාගරික කවුන්සිලය විසින් ලබන අගහරුවාදා දිනයේදී පැවැත්වීමට නියමිතයි.
