ෆෙඩරල් සංචිත බැංකුව විසින් සිදුකල පොළී අනුපාතික අගයන් ඉහළ දැමීමට සමගාමීව ප්‍රධාන බැංකු 03 ක් විසින් සිය පොළී අනුපාතිකයන් ඉහළ දමන දින වකවානු ප්‍රකාශයට පත් කර තිබෙනවා.
ඒ අනුව ලබන 16 වනදා සිට සිය නිවාස ණය පොළී අනුපාතිකයන් සියයට 0.25 කින් ඉහළ දමන බවයි වෙස්ට්පැක් බැංකුව අද නිවේදනය කර සිටියේ.
ඔවුන්ගේ අවම නිවාස ණය පොළිය මේ අනුව සියයට 5.49 දක්වා ඉහළ යනු ඇති.
ANZ බැංකුව සහ NAB බැංකුව ලබන 12 වනදා සිට පොළී අනුපාතික අගයන් වැඩි කරන බවයි මේ වනවිට නිවේදනය කර ඇත්තේ.
කෙසේවෙතත් ඔස්ට්‍රේලියාවේ අනෙකුත් ප්‍රධාන බැංකුව වන කොමන්වෙල්ත් බැංකුව පොළී අනුපාතික අගයන් ඉහළ දමන දිනයක් මේ දක්වා ප්‍රකාශයට පත් කර නැහැ.
සියයට 07 ක්ව පවතින උද්ධමනය පාලනය කර ගැනීමේ අරමුණ ඇතිවයි ෆෙඩරල් සංචිත බැංකුව විසින් අගය සියයට 3.85 ක් දක්වා ඉහළ නැංවීමට පසුගිය අගහරුවාදා දිනයේදී පියවර ගනු ලැබුවේ.
