ඔස්ට්‍රේලියානු සේවකයන් වසරකදී මුහුණ දුන් වැඩිම ජීවන වියදම ඉහළයාම ගතවූ මාස 12 දී සටහන් වී තිබෙනවා.
මාර්තු මාසයෙන් අවසන් වූ මාස 12 දී සියලුම ජීවන වියදම් දර්ශක කැපී පෙනෙන අගයන්ගෙන් ඉහළ ගොස් ඇති බවයි සංඛ්‍යාලේඛණ කාර්යාංශය නිකුත් කල දත්ත වාර්තාවල දැක්වෙන්නේ.
ඉහළ යන උද්ධමනය – අත්‍යවශ්‍ය ද්‍රව්‍ය මිළ ගණන්වල වැඩිවීම – නිවාස ණය වාරික ඉහළ යාම ඇතුලු සාධක ගණනාවක් මීට බලපා තිබෙනවා.
මේ අතර ලබන අගහරුවාදා දිනයට යෙදී ඇති ෆෙඩරල් රජයේ අයවැය ලේඛනය හරහා ඉහළ යන ජීවන වියදමට පිළියමක් ලෙස සහන පැකේජයක් හඳුන්වා දෙන බවයි ෆෙඩරල් භාන්ඩාගාරික අමාත්‍ය ජිම් චාමර්ස් සඳහන් කලේ.
ඒ යටතේ child care ගාස්තු සහ ඖෂධ ගාස්තු අඩු කිරීමට ප්‍රමුඛතාවය දීමට නියමිතයි.
