ඔස්ට්‍රේලියාව පුරා අතිශය ජනප්‍රිය MasterChef වැඩසටහනේ විනිසුරුවරයෙකු ලෙසද කටයුතු කරන ප්‍රවීණ සූපවේදී ජොක් සොන්ෆ්‍රීලෝ මෙල්බන් නුවරදී අභාවප්‍රාප්ත වී තිබෙනවා.
මියයන විට ඔහුගේ වයස අවුරුදු 46 ක් බවයි පවුලේ ඥාතීන් සඳහන් කලේ.
මෙම හදිසි මරණයට හේතුව මේ දක්වා අනාවරණය වී නැහැ.
MasterChef වැඩසටන් මාලාවේ නවතම අධියර අද රාත්‍රියේ සිට විකාශය ආරම්භ කිරීමටයි නියමිත වූයේ.
කෙසේවෙතත් ජොක් සොන්ෆ්‍රීලෝ ගේ හදිසි මරණය හමුවේ එය ලබන සතිය දක්වා කල් දැමීමටයි නිෂ්පාදකයන් තීරණය කර ඇත්තේ.
ස්කොට්ලන්තයේ උපත ලබා ඇති ජොක් සොන්ෆ්‍රීලෝ MasterChef ඔස්ට්‍රේලියා සමග සම්බන්ධවී ඇත්තේ 2019 වසරේදීයි.
