ඇතැම් වෛද්‍යවරුන් ඇතුලු සෞඛ්‍ය වෘත්තිකයන් විසින් ලිංගික හිංසන සිදුකරන බවට ලැබී ඇති පැමිණිලි සම්බන්ධයෙන් පූර්ණ විමර්ශනයක් සිදුකරන බවට ෆෙඩරල් සෞඛ්‍ය අමාත්‍ය මාර්ක් බට්ලර් සහතික වනවා.
මෙරට මාධ්‍ය ආයතන කිහිපයක් විසින් මාස 06 ක් පුරා සිදුකරන ලද ගවේෂණාත්මක අනාවරණයකදීයි මෙම තොරතුරු අනාවරණය වී ඇත්තේ.
මෙවැනි සිදුවීම්වලට සම්බන්ධ ඇතැමුන් ලියාපදිංචි සෞඛ්‍ය වෘත්තිකයන් බවටයි හඳුනාගෙන ඇත්තේ.
සෞඛ්‍ය සේවක සේවිකාවන් පමණක් නොව රෝගීන් පවා විවිධ ආකාරයේ හිංසනවලට ලක්වී ඇති බව මෙහිදී අනාවරණය වී තිබෙනවා.
මෙම තත්වය වළක්වාලීම සඳහා ප්‍රාන්ත රජයන් මට්ටමින් පමණක් නොව ෆෙඩරල් රජයේ මට්ටමින් හැකි උපරිම නීති සංශෝධනයක් සිදුකරන බවටයි ෆෙඩරල් සෞඛ්‍ය අමාත්‍ය මාර්ක් බට්ලර් සහතික වන්නේ.
