මානසික සෞඛ්‍ය ගැටලු සහ විවිධ රෝගාබාධ හමුවේ පාසල් පැමිණිමෙන් වැළකී සිටින සිසුන් සංඛ්‍යාව ඉහළගොස් තිබෙනවා.
පසුගිය වසරේදී ප්‍රාථමික පාසල් සිසුන්ගේ පාසල් පැමිණිමේ ප්‍රතිශතය සටහන්වී ඇත්තේ සියයට 87.8 ක් ලෙසයි.
එය 2021 වසර හා සැසඳීමේදී සියයට 4.5 ක පහළයාමක් බවයි සංඛ්‍යාලේඛණවල දැක්වෙන්නේ.
උසස් පාසල්වල පැමිණිමේ ප්‍රතිශතය සටහන් වී ඇත්තේ සියයට 84.7 ක් ලෙස වන අතර එය 2021 වසර හා සැසඳීමේදී සියයට 4.1 ක පහළයාමක්.
වැඩිම පහළයාම ACT ප්‍රාන්තයෙන් වාර්තා වන අතර එය සියයට 6.1 ක්.
දකුණු ඔස්ට්‍රේලියාව – වික්ටෝරියා සහ නිවු සවුත් වේල්ස් යන ප්‍රාන්ත සියල්ල සියයට 05 කට වැඩි පහළයාම් වාර්තා කර තිබීම විශේෂත්වයක්.
ශ්‍රේණි වශයෙන් සැළකීමේදී වැඩිම නොපැමිණිම් ප්‍රතිශතයක් වාර්තා වන්නේ 10 – 11 සහ 12 යන ශ්‍රේණිවල සිසුනුයි.
