රැකියාවක් ලෙස ලිංගික කටයුතුවල නිරතවීම අපරාධයක් නොවන නීත්‍යානුකූල ක්‍රියාවක් ලෙස පිළිගැනීමට ක්වීන්ස්ලන්ඩ් ප්‍රාන්ත රජයට නිර්දේශයක් ලැබී තිබෙනවා.
දැනට ප්‍රාන්තයේ පවතින නීති අනුව ලිංගික ශ්‍රමිකයන්ට අදාළ සේවා කටයුතු සැපයීමට හැකිවනුයේ ප්‍රාන්ත රජය සමග ලියාපදිංචි වී ඇති ස්ථාන 20 කදී පමණයි.
කිසියම් ආකාරයකින් මෙම නිර්දේශ ඇතුළත් යෝජනාවලිය ක්වීන්ස්ලන්ඩ් රජය විසින් පිළිගතහොත් ඕනෑම ස්ථානයක සිට සිය කටයුතු සිදුකරගෙන යාමට ලිංගික ශ්‍රමිකයන්ට අවස්ථාව උදාවනවා.
ඒ අනුව ලිංගික ශ්‍රමය සපයන්නන් අනෙකුත් රැකියාවල නිරත වන්නන් හා සමානව සැළකිය යුතු බවටත් ඔවුන්ට නිදහසේ සිය කටයුතු පවත්වාගෙන යාමටත් ඉඩකඩ පැවතිය යුතු බවටද ක්වීන්ස්ලන්ඩ් නීති ප්‍රතිසංස්කරණ කොමිසම විසින් ප්‍රාන්ත රජයට ලබාදී ඇති මෙම වාර්තාවට අන්තර්ගතයි.
ලිංගික සේවා සම්බන්ධ දැන්වීම් රූපවාහිනී ඇතුලු ප්‍රසිද්ධ මාධ්‍යයේ පළකිරීම වළක්වාලමින් පණවා ඇති නීති වහා ඉවත් කළ යුතු බවටද මෙම වාර්තාව යෝජනා කරනවා.
එමෙන්ම ගැණුම්කරුවන් මුවාවෙන් පැමිණ පොලිස් නිළධාරීන් විසින් සිදුකරන වැටලීම් වහා නතර කල යුතු බවටයි එමගින් තවදුරටත් නිර්දේශ කර ඇත්තේ.
