වික්ටෝරියා Residential Finance Broker සම්මානයට ලාංකිකයෙකුත් නිර්දේශ වෙයි

HASITHA DHARMASENA DARMASENA

MFAA හෙවත් Mortgage and Finance Association of Australia විසින් පවත්වන 2023 Residential Finance Broker සම්මානය සඳහා මෙරට මූල්‍යකරණ ක්ෂේත්‍රයේ ප්‍රමුඛයෙකු වන JETT Finance හි නිර්මාතෘ – ප්‍රධාන විධායක නිළධාරී හසිත ධර්මසේන නිර්දේශ වී තිබෙනවා.

වික්ටෝරියා ප්‍රාන්තය වෙනුවෙන් අවසාන වටයට තෝරාගෙන ඇති 05 දෙනා අතුරින් ඔහුද එක් අයෙකු වීම විශේෂත්වයක්.

ඔස්ට්‍රේලියාව පුරා මූල්‍යකරණ ක්ෂේත්‍රයේ නියෝජිතයන් 14,000 කට වැඩි පිරිසක් සාමාජිකත්වය දරන MFAA සැළකෙන්නේ මෙරට නිවාස ණය සහ මූල්‍ය කටයුතු සම්බන්ධයෙන් අනුමැතිය ලබාගත යුතු ඉහළම ආයතනයක් ලෙසයි.

එමගින් පිරිනමන මෙවැනි සම්මානයක අවසන් වටයට සුදුසුකම් ලබාගැනීම පවා අතිශය අසීරු කරුණක් වන අතර මූල්‍යකරණ ක්ෂේත්‍රයේ විශ්වාසනීයම සහ ඉහළම වගකීමක් සහිත මූල්‍ය නියෝජිතයන්ට පමණක් එම අවස්ථාව උදාවනවා.

වසර 15 කට වැඩි ක්ෂේත්‍රයේ පළපුරුද්දක් සහිත හසිත ධර්මසේන පසුගිය වසර තුළදීත් ඇගයීම් රාශියකින් පිදුම් ලැබුවා.

Commonwealth බැංකුවෙන් මූල්‍ය ආයතන වෙත පිරිනමන ඉහළම “Platinum broker”ලෙස නම් කිරීම ද ඒ අතර වනවා.

2022 වසරට අදාළව වික්ටෝරියා – දකුණු ඔස්ට්‍රේලියා සහ ටස්මේනියා ප්‍රාන්ත සඳහා වන මූල්‍යකරණ විශේෂඥයා හෙවත් VIC/SA/TAS Broker of the Year 2022 සම්මානය ඔහුට පිරිනමනු ලැබුවේ Specialist Finance Group සමූහය විසිනුයි.

මෙම සම්මාන උළෙල ඔස්ට්‍රේලියාවේ මූල්‍යකරණ ක්ෂේත්‍රයට අදාළව පවත්වන ඉහළම සම්මාන උළෙලක් ලෙස සැළකෙනවා.

එමෙන්ම පසුගිය මැයි මාසයේ පැවති My Local Broker 2021 වාර්ෂික සම්මාන උළෙලේදී සම්මාන 03 කින් ජෙට් ෆයිනෑන්ස් සමූහය සහ එහි නිර්මාතෘ – ප්‍රධාන විධායක නිළධාරී හසිත ධර්මසේන පිදුම් ලැබුවා.

පොලි අනුපාත වැඩි වීමේ අවදානමක් ගැන ඉඟියක්

පසුගිය සතියේ ඉදිරිපත් කරනු ලැබූ ෆෙඩරල් අයවැය මගින් පොලි අනුපාත වැඩි වීමේ හැකියාව ඉහළ නංවන බවට ඔස්ට්‍රේලියානුවන් වැඩි පිරිසක් කනස්සල්ලට පත්ව සිටින බව වාර්තා වනවා.

Read More »

හෙලිකොප්ටර් අනතුරින් මියගිය ඉරාන ජනපතිගේ අවසන් කටයුතු අද

හෙලිකොප්ටර් අනතුරකින් ජීවිතක්ෂයට පත්වූ වූ ඉරාන ජනාධිපති ඊබ්‍රහිම් රයිසිගේ අවසන් කටයුතු අද සිදු කිරීමට නියමිතව තිබෙනවා.

Read More »

ඊශ්‍රායල අගමැති සහ හමාස් නායකයා අත්අඩංගුවට ගැනීමට වරෙන්තු

ඊශ්‍රායල අගමැති බෙන්ජමින් නෙතන්යාහු සහ හමාස් නායක යාහියා සින්වාර් සහ අත්අඩංගුවට ගැනීමට ජාත්‍යන්තර අපරාධ අධිකරණය වරෙන්තු ඉල්ලා සිටින බව අධිකරණයේ ප්‍රධාන අභිචෝදක කරීම් ඛාන් පවසනවා.

Read More »

ඩිලන්ත මාලගමුවට ඉතාලියේදී ජයග්‍රහණයක්

ඉතාලියේ මිසානෝ ජාත්‍යන්තර මෝටර් රථ ධාවන පථයේ ඊයේ (19) පැවැති යුරෝපියානු GT4 මෝටර් රථ ධාවන තරගයේ දෙවෙනි ස්ථානය දිනාගැනීමට ශ්‍රී ලංකාවේ ප්‍රවීන මෝටර් රථ ධාවන ශූර ඩිලන්ත මාලගමුවට හැකියාව ලැබුණා.

Read More »