ෆෙඩරල් රජයේ කටයුතු හා සම්බන්ධ වන දුරකථනවල ටික්ටොක් ඇප්ලිකේෂනය භාවිතය තහනම් කිරීමට ඔස්ට්‍රේලියා ෆෙඩරල් රජය අවධානය යොමු කර තිබෙනවා.
මේ සම්බන්ධ නිල නිවේදනය අද දිනය තුළ නිකුත් කෙරෙනු ඇති බවටයි වාර්තා පළවන්නේ.
මේ අනුව මහා බ්‍රිතාන්‍යය – නවසීලන්තය – කැනඩාව සහ අමෙරිකාවට අමතරව ටික්ටොක් තහණමක් පණවන 05 වන රට බවට ඔස්ට්‍රේලියාව පත්වනු ඇති.
චීන හිමිකාරීත්වය සහිත ටික්ටොක් ඇප්ලිකේෂනය හරහා සංවේදී තොරතුරු චීන රජය අතට පත්වන බවට වන සැකය මතයි මෙම තහණම් පණවා ඇත්තේ.
ෆෙඩරල් රජයේ තීරණය සම්බන්ධයෙන් ඊයේ දිනයේදී ප්‍රාන්ත රජයන්ද දැනුවත් කර ඇති බව සඳහන්.
විකටෝරියා සහ ප්‍රාන්ත රජයන් එහිදී දන්වා ඇත්තේ ෆෙඩරල් රජය විසින් පණවන ඕනෑම ටික්ටොක් වාරණයකට තමන්ද එකග වන බවයි.
