ඉහළ යන ජීවන වියදම හමුවේ ඔස්ට්‍රේලියාව තුළ උසස් අධ්‍යාපනය හදාරන විදෙස් සරසවි සිසුන් ආහාර වේල් සහ ඖෂධ මග හැරීමේ ප්‍රවණතාවයක් නිර්මාණය වී තිබෙනවා.
එමෙන්ම සිසුන් food bank සඳහා යොමුවීමද කැපී පෙනෙන අන්දමින් ඉහළ ගොස් ඇති බවයි නවතම සංඛ්‍යාලේඛණ වාර්තා පෙන්වා දෙන්නේ.
ක්වීන්ස්ලන්ඩ් හි එක්තරා විශ්ව විද්‍යාලයක පසුගිය මුලු වසර තුළදී food bank වෙත යොමුවී තිබුණේ සිසුන් 900 ක් පමණක් වුවද මෙම වසරේ මුල් මාස 02 තුළදී පමණක් සිසුන් 1000 කට ආසන්න පිරිසක් ඒ සඳහා කටයුතු කර තිබුණා.
අධික තදබදයක් ඇති නොවනු පිණිස food bank වෙත සිසුන් පැමිණිම සීමා කිරීමටද සිදුවී ඇති බවයි විශ්ව විද්‍යාල පාලනාධිකාරීන් සඳහන් කර ඇත්තේ.
රැකියා කිහිපයක නිරත වුවද නිවාස කුළී – ගමන් වියදම් සහ ශිෂ්‍ය ණය ගෙවා ගැනීමේ අසීරුතාවයකින් ඔවුන් පෙළෙන බවටයි අනාවරණය වන්නේ.
මේ අතර මාංශ ආහාර මිළ ගණන් ඉහළ යාම හමුවේ සරසවි සිසුන් විශාල පිරිසක් එළවලු ආහාර වෙත යොමුවෙමින් ඇති බවද හෙළිවී තිබෙනවා.
