දැන්වීම් හරහා ඔස්ට්‍රේලියාවේ තරුණ ප්‍රජාව සූදූ – ඔට්ටු ක්‍රීඩා සඳහා පෙළඹීම ඉහළට

සමාජ මාධ්‍ය – රූපවාහිනී සහ ගුවන් විදුලි දැන්වීම් හරහා ඔස්ට්‍රේලියාවේ තරුණ ප්‍රජාව සූදූ සහ ඔට්ටු ක්‍රීඩා සඳහා පෙළඹවීම ඉහළ ගොස් තිබෙනවා.

වයස අවුරුදු 18 ත් 34 ත් අතර පිරිසෙහි තරුණියන් අතුරින් 1/5 ක්ද තරුණයන් අතුරින් 1/7 ක්ද එලෙස වෙළඳ දැන්වීම් හරහා සූදූ ක්‍රීඩාවට නැඹුරුවන බව සඳහන්.

සියයට 41 ක පිරිසක් ඔට්ටු ක්‍රීඩා වල විවිධ ස්වරූපයන් සඳහා පෙළඹෙන බවටත් – සතියකට අවස්ථා 04 ක් හෝ වැඩි ගණනකදී සූදු ක්‍රීඩා සම්බන්ධ වෙළඳ දැන්වීම් සඳහා නිරාවරණය වන බවටත් මෙහිදී හෙළිකරගෙන තිබෙනවා.

වික්ටෝරියා ප්‍රාන්තයේ සාමාන්‍ය රූපවාහිනී නාළිකා හරහා පමණක් දිනකට සූදූ හෝ ඔට්ටු ක්‍රීඩා සම්බන්ධ වෙළඳ දැන්වීම් 948 ක් විකාශය කෙරෙන බවටයි තහවුරු කරගෙන ඇත්තේ.

මේ අතර ඔස්ට්‍රේලියානුවන් අතුරින් සියයට 53 ක් රාත්‍රී 10.30 ට පෙර සූදූ ක්‍රීඩා දැන්වීම් විකාශය නතර කල යුතු බවටත් සියයට 47 ක් සමාජ මාධ්‍ය දැන්වීම් සියල්ල නතර කල යුතු බවටත් සමීක්ෂණයකදී මත පළකර තිබුණා.

සූදු සහ ඔට්ටු ක්‍රීඩා වලදී ඔස්ට්‍රේලියානුවන් විසින් වසරකදී අහිමි කරගන්නා මුදල ඩොලර් බිලියන 25 ක් පමණ වන බවටයි තක්සේරු කර ඇත්තේ.