නිවු සවුත් වේල්ස් දුම්රිය සේවකයන්ට සියයට 4.03 ක වැටුප් වැඩිවීමක් ලබාදීමට Fair Work කොමිසම විසින් අනුමැතිය දී තිබෙනවා.
ඒ අනුව පසුගිය වසරේ මැයි 01 දා සිට බලපැවැත්වෙන පරිදි සියයට 03 ක සහ මෙම වසරේ මැයි 01 වනදා සිට බලපැවැත්වෙන පරිදි තවත් සියයට 01 ක වැටුප් වැඩිවීමක් ඔවුන්ට හිමිවනු ඇති.
ප්‍රාන්ත රජය විසින් පසුගිය වසරේදී ඔවුන්ට ලබාදීමට පොරොන්දුවී තිබුණේ සියයට 03 ක වැටුප් වැඩිවීමක් පමණයි.
මීට අමතරව එක් වරක් පමණක් ගෙවන ඩොලර් 4500 ක දීමනාවක්ද නිවු සවුත් වේල්ස් දුම්රිය සේවකයන්ට හිමිවනු ඇති.
මෙම වැටුප් වැඩිවීම නිවු සවුත් වේල්ස් ගුරුවරුන් – හෙදියන් – පොලිස් නිළධාරීන් ඇතුලු අනෙකුත් අංශවල සේවකයන්ට හිමිවන වැටුප් වැඩිවීම්වල උපරිමය පවා ඉක්මවා ගොස් ඇති බවටද චෝදනා එල්ලවනවා.
