ඉදිරි සතිය තුළදී ඔස්ට්‍රේලියානුවන්ට කාළගුණ විපර්යාස රැසකට මුහුණදීමට සිදුවනු ඇති බවට අනාවැකි පළවනවා.
අද සිට ලබන අගහරුවාදා දක්වා නිවු සවුත් වේල්ස් – වික්ටෝරියා – ටස්මේනියා – ක්වීන්ස්ලන්ඩ් – දකුණු ඔස්ට්‍රේලියා යන ප්‍රාන්තවල ප්‍රදේශ ගණනාවක දැඩි උණුසුම් කාළගුණ තත්වයක් අපේක්ෂා කෙරෙනවා.
ඇතැම් ස්ථානවලට ලැව් ගිනි අනතුරු ඇගවීම් පවා නිකුත් කෙරෙනු ඇති බවටයි පුරෝකථනය කර ඇත්තේ.
කෙසේවෙතත් ලබන බදාදායින් පසු මෙම තත්වයේ වෙනසක් බලාපොරොත්තු විය හැකි බවට කාළගුණ විද්‍යා කාර්යාංශය අනාවැකි පළකරනවා.
ඒ අනුව ප්‍රාන්ත කිහිපයක ස්ථානවල හිමපතනයක්ද අපේක්ෂා කල හැකියි.
