වෛද්‍යවරයෙකුගේ නිර්දේශ පත්‍රිකාවක් නොමැතිව වුවද ඇතැම් එන්නත් සහ ඖෂධ රෝගීන්ට ලබාදීමේ බලතල ඔසුසැල් හිමියන්ට ලබාදීමට ACT ප්‍රාන්ත රජය තීරණය කර තිබෙනවා.
මෙම මාසයේ මැදභාගයේ සිට එම අනුමැතීන් ලබාදීමටයි තීරණය වී ඇත්තේ.
මේ හා සමාන නියමු ව්‍යාපෘති 02 ක් නිවු සවුත් වේල්ස් සහ ටස්මේනියා ප්‍රාන්තවලදීත් ක්‍රියාත්මකයි.
කෙසේවෙතත් ක්වීන්ස්ලන්ඩ් ප්‍රාන්තයේ ඇතැම් ඔසුසැල් හිමියන් විසින් ඊට දැඩි විරෝධයක් පළකර ඇත්තේ වෛද්‍ය නිර්දේශයකින් තොරව ඖෂධ ලබාදීමෙන් රෝගීන්ට බලපෑම් එල්ලවිය හැකි බව දක්වමින්.
ඇතැම් ඔසුසැල් හිමියන්ට පූර්ණව ඖෂධ පිළිබඳ දැනුමක් නොමැති බවත් එහිදී සඳහන් කෙරුණා.
