ඔස්ට්රේලියානුවන් විසින් ඔවුන්ට හිමිවිය යුතු ඩොලර් බිලියන 16 ක මුදල් මෙතෙක් ලබාගෙන නොමැති බව බදු කාර්යාලය (ATO) පවසනවා.
පසුගිය මූල්ය වර්ෂයේදී පමණක් ඩොලර් බිලියන 2.1 ක පමණ මුදලක් එලෙස අලුතින් එකතුවී ඇති බවයි අද නිකුත් වූ වාර්තාවක සඳහන් වන්නේ.
2019 වසරේ සිට මේ දක්වා ඔස්ට්රේලියානු බදු කාර්යාලය විසින් මෙලෙස රඳවාගෙන සිටින මුදල ඩොලර් බිලියන 5.6 ක් පමණ වන බවට ගණන් බලා තිබෙනවා.
නව රැකියාවකට යොමුවීමේදී – වාසස්ථානය වෙනස් කිරීමේදී සහ පුද්ගලික තොරතුරු නිසි පරිදි යාවත්කාලීන නොකිරීම මීට ප්රධාන හේතුව බවටයි අනාවරණ වන්නේ.
බදු කාර්යාලය ඔස්ට්රේලියානුවන්ට දන්වා සිටින්නේ ඔවුන්ගේ පුද්ගලික ගිණුම් වෙත පිවිස ලබාගත යුතු මුදලක් ඇත්නම් වහා එය ලබාගැනීමට කටයුතු කරන ලෙසයි.