ඔස්ට්‍රේලියානුවන් මහා පරිමාණ සයිබර් ප්‍රහාරවලින් වළක්වාගැනීම සඳහා නව ෆෙඩරල් ආයතනයක් ස්ථාපිත කිරීමට ෆෙඩරල් රජය සැළසුම් කර තිබෙනවා.
ඔප්ටස් – මෙඩිබෑන්ක් වැනි ආයතන වෙත පසුගිය වසරේදී එල්ල වූ ආකාරයේ දැවැන්ත සයිබර් ප්‍රහාර එල්ලවීම වළක්වා ගැනීම සහ ඉන් පාරිභෝගිකයන් ගළවා ගැනීම මෙහි අරමුණයි.
පැවති ස්කොට් මොරිසන් රජය විසින් ඩොලර් බිලියන 7.1 ක් වැයකල ක්‍රියාත්මක කල සයිබර් ආරක්ෂණ ප්‍රතිපත්තිය මෙහිදී පූර්ණ වෙනසකට ලක් කෙරෙනු ඇති.
ඒ අනුව සයිබර් ප්‍රහාරවලදී හෝ ඔන්ලයින් තර්ජනයකදී වගකීම භාරගැනීම සඳහා සයිබර් ආරක්ෂණ සම්බන්ධීකරණ නිළධාරියෙකු පත් කිරීමට නියමිතයි.
ජාතික සයිබර් කාර්යාලයක් ස්වදේශ කටයුතු දෙපාර්තමේන්තුව යටතේ ස්ථාපිත කිරීමද මේ යටතේ සිදුවනවා.
මේ සඳහා ඔස්ට්‍රේලියා ෆෙඩරල් පොලිසියේ උපරිම සහය ලබාගැනීමටද සැළසුම් කර තිබෙනවා.
