ඔස්ටේ්‍රලියාවේදී පැවති විස්සයි විස්ස ලෝක කුසලාන ක්‍රිකට් තරගාවලියට සහභාගී වූ ශ්‍රී ලංකා ක්‍රිකට් කණ්ඩායමට එල්ලවූ විවිධ චෝදනා සම්බන්ධයෙන් සොයාබැලු පංච පුද්ගල කමිටුවේ වාර්තාව ඉදිරි නීතිමය පියවර ගැනීම සඳහා යොමු කර තිබෙනවා.
එම වාර්තාව නීතිපතිවරයා වෙත යොමුකර ඇති බවයි ක්‍රීඩා අමාත්‍යංශය සඳහන් කලේ.
බෝන් අගේන් නම් ආගමික කණ්ඩායමකින් ශ්‍රී ලංකා ක්‍රිකට් කණ්ඩායමට එල්ල වන බලපෑම සම්බන්ධයෙන් මතුවූ ගැටලූ පිළිබඳව ද මෙම වාර්තාවේ තොරතුරු ඇතුළත් කර තිබෙනවා.
ඒ සම්බන්ධයෙන් ඉදිරි පියවර ගැනීම සඳහා අවශ්‍ය නිර්දේශ ලබාගැනීමටයි ක්‍රීඩා අමාත්‍යාංශ ලේකම්වරයා විසින් එම වාර්තාව නීතිපතිවරයා වෙත ඉදිරිපත් කර ඇත්තේ.
නීතිපතිවරයාගෙන් ලැබෙන උපදෙස් හා නිර්දේශ මත ඉදිරි පියවර ගැනීමට ක්‍රීඩා අමාත්‍යාංශය බලාපොරොත්තු වන බව සඳහන්.
