ඉහළ යන ජීවන වියදම හමුවේ ඔස්ටේ්‍රලියානුවන් අතුරින් 1/4 ක් පමණ දෛනික ආහාරවේල් මග හරින තත්වයක් දක්නට ඇතැයි නවතම සමීක්ෂණයකදී අනාවරණ වී තිබෙනවා.
එමෙන්ම සියයට 56 කට ආසන්න පිරිසක් අත්‍යවශ්‍ය ද්‍රව්‍ය මිලදී ගැනීම අඩුකර ඇති බවයි මෙහිදී අනාවරණ වී ඇත්තේ.
පුද්ගලයන් 3000 කට ආසන්න පිරිසක් යොදාගනිමින් මෙම අධ්‍යයනය සිදුකර තිබුණා.
එහිදී හෙළිවී තිබුණේ සියයට 21 කට ආසන්න පිරිසක් ඉහළ යන ජීවන වියදමට මුහුණදීමට සිය වත්කම් හා දේපළ විකුණා දමා ඇති බවයි.
සියයට 14 කට ආසන්න පිරිසක් සැප පහසු නිවාස අත්හැර වියදම් අඩු නිවාස වෙත යොමුවී ඇති බවද මෙහිදී අනාවරණය කෙරුණා.
