මැතිවරණ ප්‍රචාරක සමයේ ලේබර් පක්ෂය විසින් ලබාදුන් ප්‍රධාන මැතිවරණ පොරොන්දුවක් ඉටුකරමින් ජාතික දූෂණ මර්දන කොමිසමක් පිහිටුවීමට අදාළ යෝජනාව ෆෙඩරල් පාර්ලිමේන්තුවේදී අද සම්මත වුණා.
ඊයේ පස්වරුවේ සෙනෙට් සභාව ඊට අනුමැතිය දුන් අතර අද පස්වරුවේ නියෝජිත මන්ත්‍රී මණ්ඩලය විසින්ද ඊට අනුමැතිය ලබාදෙනු ලැබුවා.
මේ සඳහා විපක්ෂ මන්ත්‍රීවරුන්ගේද සහය හිමිවීම මෙන්ම ස්වාධීන මන්ත්‍රීවරුන් විසින් ගෙන ආ යෝජනාද ඇතුළත් කර තිබීම විශේෂත්වයක්.
ඉහළම රාජ්‍ය නිළධාරීන් සම්බන්ධයෙන් විමර්ශන සිදුකිරීමට නීති බලගැන්වීම් ආයතන වෙත පුලුල් බලතල හිමිවීමයි මෙහිදී සිදුවන්නේ.
ඒ හරහා රාජ්‍ය අංශයේ අක්‍රමිකතා හැකිතාක් අවම කිරිම ලේබර් රජයේ සැළසුම වී තිබෙනවා.
