ධනුෂ්ක සිඩ්නි බන්ධනාගාරයකට – යළි නඩුව ජනවාරි 12

තරුණියකට ලිංගික අතවර කිරීමේ චෝදනා මත අත්අඩංගුවට පත්වූ ශ්‍රී ලංකා ක්‍රිකට් ක්‍රීඩක ධනුෂ්ක ගුණතිලක සිඩ්නි හි බන්ධනාගාරයක් වෙත ඊයේ රාත්‍රියේ රැගෙන ගොස් තිබෙනවා.

ඔහුට එරෙහි මීලග නඩු වාරය යෙදී ඇත්තේ ලබන ජනවාරි 12 වනදාටයි.

ඊයේ උදෑසන සිඩ්නි අධිකරණය හමුවේ ඔහුගේ නඩුව කැඳවූ අවස්ථාවේදී මහේස්ත්‍රාත් රොබට් විලියම්ස් විසින් ධනුෂ්කට ඇප ලබාදීම ප්‍රතික්ෂේප කරනු ලැබුවා.

ලිංගික අපරාධ සම්බන්ධයෙන් වන නිවු සවුත් වේල්ස් ප්‍රාන්ත නීති මෑතකදී දැඩි කර තිබීම සහ සැකකරු විදේශීය පුද්ගලයෙකු වීමේ පදනම යටතේයි මහෙස්ත්‍රාත්වරයා විසින් ධනුෂ්කට ඇප ලබාදීම ප්‍රතික්ෂේප කර තිබුණේ.

මේ අතර ධනුෂ්ක ගුණතිලකගේ නීතීඥ ආනන්ද අමරනාත් සඳහන් කලේ සිය සේවාදායකයා වෙනුවෙන් ශ්‍රේෂ්ඨාධිකරණයට අභියාචනයක් ඉදිරිපත් කරන බවයි.

කෙසේවෙතත් එහිදීද ඇප ලබාදුනහොත් නඩුව අවසන් වන තුරු ඔහුට ඔස්ටේ්‍රලියාවේම සිටීමට සිදුවනු ඇති බවයි නීතිඥ ආනන්ද අමරනාත් පවසා සිටියේ.

එල්ල වී ඇති චෝදනා බරපතල බැවින්, අධිකරණ ක්‍රියාවලිය අවසන් වීමට වසරකට වැඩි කාලයක් ගතවනු ඇති බවයි ඔහු වැඩිදුරටත් සඳහන් කළේ.

ධනුෂ්ක ගුණතිලකගේ නීතිමය වියදම් ශ්‍රී ලංකා ක්‍රිකට් ආයතනය විසින් දරනු ඇති.

මේ අතර, ධනුෂ්ක ගුණතිලකට වහාම ක්‍රියාත්මක වන පරිදි සියලූ ආකාරයේ ක්‍රිකට් තරග තහනම් කිරීමට තීරණය කළ බව ශ්‍රී ලංකා ක්‍රිකට් විධායක කමිටුව නිවේදනය කර සිටියා.

ඔස්ට්‍රේලියා වීසා හිමියන්ට ස්වදේශ කටයුතු දෙපාර්තමේන්තුවෙන් දැනුම්දීමක්

ලබන 30 වනදායින් වීසා කාලය අවසන් වන සංක්‍රමණිකයන්ට ඔස්ට්‍රේලියානු ස්වදේශ කටයුතු දෙපාර්තමේන්තුව දැනුම්දීමක් සිදු කර තිබෙනවා.

Read More »

ඩේවිඩ් වෝනර් ජාත්‍යන්තර ක්‍රිකට් පිටියෙන් සමුගනී

ඔස්ට්‍රේලියානු කණ්ඩායමේ ආරම්භක පිතිකරුවෙකු වන සුපිරි ක්‍රීඩක ඩේව්ඩ් වෝනර් ජාත්‍යන්තර ක්‍රිකට් පිටියට සමුදීමට තීරණය කර තිබෙනවා.

Read More »

ඔස්ට්‍රේලියාවේ e-දුම්වැටි නීතිවල මතබේධාත්මක වෙනසක්

ඔස්ට්‍රේලියාවේ ඉලෙක්ට්‍රොනික දුම්වැටි සම්බන්ධයෙන් පවතින නීතිවල වෙනස්කම් කිහිපයක් අදියර දෙකක් යටතේ සිදු කිරීමට සැලසුම් කර තිබෙනවා.

Read More »