පන්දුවාර 20 ලෝක කුසලානයේ ශ්‍රී ලංකාව සහ එංගලන්තය අතර තරගයේ කාසියේ වාසිය දිනාගත් ශ්‍රී ලංකාව මුලින් පන්දුවට පහරදෙන්න තීරණය කලා.
මෙම තරගය සිඩ්නි වේලාවෙන් රාත්‍රී 07 ට එනම් ශ්‍රී ලංකාවේ වේලාවෙන් පස්වරු 01.30 ට ආරම්භ වීමට නියමිතයි.
මෙම තරගයෙන් ශ්‍රී ලංකාව ජයගතහොත් ඔස්ටේ්‍රලියාව අවසන් පූර්ව වටයට සුදුසුකම් ලබනු ඇති.
එංගලන්තය ජයගතහොත් එංගලන්තයේ සහ ඔස්ටේ්‍රලියාවේ ප්‍රසාද ළකුණු සමාන වන බැවින් දළ ළකුණු වේගය අනුව ඉදිරියෙන් පසුවන කණ්ඩායම අවසන් පූර්ව වටයට සුදුසුකම් ලබන අතර එහිදී එංගලන්තයට වැඩි වාසියක් පවතින්නේ ඔවුන් දළ ළකුණු වේගය අනුව ඉදිරියෙන් පසුවීම හේතුවෙනුයි.
පළමු කාණ්ඩයෙන් නවසීලන්තය දැනටමත් අවසන් පූර්ව වටයට සුදුසුකම් ලබා අවසන්.
