ඇඩිලේඩ් නගරයේ සියලු වෙළඳසැල් ඉරිදා දිනවලදී විවෘතව තබන කාලය වැඩි කිරීමට අවසර හිමිවන නව නීතියක් දකුණු ඔස්ටේ්‍රලියා පාර්ලිමේන්තුවේදී සම්මත වි තිබෙනවා.
ඒ අනුව මෙතෙක් විවෘත කිරීමට අවසර හිමිවූ පෙරවරු 11 වෙනුවට පෙරවරු 09 සිටම ව්‍යාපාරික ස්ථාන විවෘත කිරීමට අවසර හිමිවනු ඇති.
දකුණු ඔස්ටේ්‍රලියා ප්‍රාන්තයේ දැනට පවතින නීති අනුව පෙරවරු 11 ට පෙර වෙළඳසැල් විවෘත කිරීමට අවසර හිමිවන්නේ නැහැ.
කෙසේවෙතත් පාරිභෝගිකයන්ට වැඩි අවස්ථාවක් ලබාදීම පිණිස මෙම නීති සංශෝධනය සිදුකර තිබෙනවා.
නමුත් සෙනසුරාදා සහ ඉරිදා දිනවල පස්වරු 05 වනවිට වෙළඳසැල් වසා තැබිය යුතු නීතිය අඛණ්ඩව බලාත්මක වනු ඇති.
නත්තල් උත්සවය ආසන්නවත්ම වෙළඳසැල් විවෘතව පවතින කාලසීමා දීර්ඝ කිරීමට අවසර දෙන බවයි දකුණු ඔස්ටේ්‍රලියා ප්‍රාන්ත රජය සඳහන් කලේ.
