ඔස්ටේ‍රලියාවේ විරැකියා අනුපාතය සැප්තැම්බර් මාසයේදීත් සියයට 3.5 ක් ලෙස නොවෙනස්ව පැවති බව සංඛ්‍යාලේඛණ කාර්යාංශය පවසනවා.
පසුගිය මාසය තුළදී 9000 කට ආසන්න පිරිසක් විරැකියාභාවයට පත්ව ඇතත් ප්‍රතිශතයක් ලෙස අනුපාතය වෙනස් කිරීමට එය ප්‍රමාණවත් නොමැති බව සඳහන්.
ඒ අනුව ඔස්ටේ්‍රලියාවේ විරැකියා අනුපාතය තවදුරටත් පවතින්නේ ඉතිහාසයේ අවම අගය සටහන් කරමිනුයි.
කෙසේවෙතත් අගෝස්තු මාසයට සාපේක්ෂව සැප්තැම්බර් මාසයේදී රැකියා පැය ගණන සියයට 0.1 කින් අඩුවී ඇති බව නවතම වාර්තාවේ සඳහන්.
කොවිඩ් හුදකලා කාල සීමාව මුලුමනින්ම අහෝසි කිරීමත් සමග මෙම මාසයේදී රැකියා පැය ගණන ඉහළ යනු ඇති බවටද අපේක්ෂා කෙරෙනවා.
