අනවසරයෙන් ලබාගත් පුද්ගලික දත්ත අලෙවි කරන බවට Medibank දත්ත සොරාගත් පාර්ශවය විසින් අනතුරු අගවා තිබෙනවා.
එය සිදු නොකිරීමට කප්පම් මුදලක් ගෙවිය යුතු බවටයි ඔවුන් දන්වා ඇත්තේ.
කෙසේවෙතත් මේ සම්බන්ධයෙන් පුලුල් විමර්ශනයක් සිදුකරන ලෙස සයිබර් ආරක්ෂණ අමාත්‍ය ක්ලෙයාර් ඔනිල් විසින් Medibank ප්‍රධානීන්ට – ඔස්ටේ්‍රලියානු ෆෙඩරල් පොලිසියට සහ තවත් පාර්ශව කිහිපයකට දන්වා තිබෙනවා.
අදාළ සයිබර් ප්‍රහාරකයන් Medibank වෙත දන්වා ඇත්තේ තමන් සතුව ගිගාබයිට් 200 කට ආසන්න සංවේදී දත්ත පවතින බවයි.
ප්‍රමුඛම පාරිභෝගිකයන් 1000 කගේ පුද්ගලික දත්තද ඒ අතර වන බව ඔවුන් අවධාරණය කර තිබෙනවා.
කෙසේවෙතත් පාරිභෝගිකයන්ට Medibank සහතික වී ඇත්තේ කිසිදු පුද්ගලික දත්තයක් වෙත අනවසර පිවිසීමක් සිදුවී නොමැති බැවින් බියට පත් නොවන ලෙසයි.
