ජල ගැලීම් තත්වය පහව ගිය වහා සිදුකල යුතු පළමු කාර්යය වන්නේ හානි සිදුවී ඇති මාර්ග යථා තත්වයට පත් කිරීම බව වික්ටෝරියා ප්රාන්ත අගමැති ඩැනියල් ඇන්ඩෲස් පවසනවා.
ඊට අදාළ මූලික කටයුතු දැනටමත් ආරම්භ කර ඇති බවයි මෙල්බන් නුවර අද පෙරවරුවේ පැවති මාධ්ය හමුවකදී ඔහු සඳහන් කලේ.
මේ සඳහා වික්ටෝරියා ප්රාන්ත රජය විසින් ඩොලර් මිලියන 165 ක මුදලක් වෙන් කර ඇති බවත් ඩැනියල් ඇන්ඩෲස් කියාසිටියා.
ජල ගැලීම් හමුවේ ගොඩගැසී ඇති සුන්බුන් ඉවත් කිරීම සහ පිරිසිදු කිරීම් කටයුතු වෙනුවෙන් තවත් ඩොලර් මිලියන 150 ක මුදලක් යෙදවීමට පියවර ගන්නා බවත් අගමැතිවරයා අනාවරණය කලා.
සහන වෙනුවෙන් ස්ථාපිත කෙරුණු මධ්යස්ථාන 13 අඛණ්ඩව ක්රියාත්මක බව ඩැනියල් ඇන්ඩෲස් ප්රකාශ කලා.
දැනට වික්ටෝරියා ප්රාන්තයේ මාර්ග 359 ක් – පාසල් 71 ක් සහ පූර්ව ළමා විය අධ්යාපන මධ්යස්ථාන 100 ක් වසා දමා තිබෙනවා.
නිවාස 1860 කට විදුලිය සැපයීම අඩාලව පවතින බව සඳහන්.
ජල ගැලීම් සහ අයහපත් කාළගුණය හමුවේ වික්ටෝරියා ප්රාන්තවාසීන්ට ලබාදෙන හදිසි ආධාර වෙනුවෙන් අයදුම්පත් 11,061 ක් මේ වනවිට ලැබී ඇති බවද අගමැති ඩැනියල් ඇන්ඩෲස් කියාසිටියා.