හුදකලා කාල සීමාව සම්පූර්ණයෙන්ම අවසන් කිරීමත් සමග කොවිඩ් රෝගීන්ට ප්‍රතිකාර කිරීමේදී තමන් ගැටලු කිහිපයකට මුහුණදෙන බව ඔස්ටේ්‍රලියාවේ වෛද්‍යවරුන් රැසක් පවසා තිබෙනවා.
විශේෂයෙන් Long Covid හෙවත් දීර්ඝ කාලීන කොවිඩ් තත්වයට මුහුණ දී සිටින රෝගීන්ට ප්‍රතිකාර කල යුතු ආකාරය පිළිබඳව රජයෙන් හෝ සෞඛ්‍ය අංශ වෙතින් මෙතෙක් නිසි පැහැදිලි කිරීමක් ලැබී නොමැති බවයි ඔවුන් පෙන්වා දෙන්නේ.
Long Covid තත්වය ලෙස සැළකෙන්නේ මාස 03 – 04 ක් වැනි දීර්ඝ කාලයක් පුරා සුව නොවී පවතින කොවිඩ් රෝගී තත්වයයි.
ඔවුන්ට විශේෂ ප්‍රතිකාර ක්‍රම අත්‍යවශ්‍ය නමුත් රජය විසින් මෙතෙක් නිසි පැහැදිලි කිරීමක් ලබාදී නැතැයි වෛද්‍යවරුන් අවධාරණය කරනවා.
පසුගිය සිකුරාදා සිට ඔස්ටේ්‍රලියාව තුළ කොවිඩ් රෝගීන්ට හුදකලා කාල සීමාවක් බලාත්මක වන්නේ නැහැ.
