පුද්ගලික දත්ත සොරාගැනීමට ලක්වූ පාරිභෝගිකයන්ට නව විදේශ ගමන් බලපත්‍රයක් සඳහා ඉල්ලුම් කිරීම අවශ්‍ය නොවන බවට ඔප්ටස් සමාගම විසින් දැනුම් දී තිබෙනවා.
ගමන් බලපත්‍ර අංක සියල්ල ආරක්ෂිත බව තහවුරු කර ඇති බැවින් කිසිදු බියකින් තොරව ගුවන් ගමන්වල නිරතවන ලෙසයි සමාගම විසින් සිය පරිශීලකයන්ට දන්වා ඇත්තේ.
සති 02 කට පමණ ඉහතදි සිදුවු ඔප්ටස් දත්ත වංචාවේදී ගුවන් ගමන් බලපත් අංක – රියදුරු බලපත් අංක සහ කාඩ්පත් අංක සොරා ගැනීමට ලක්වූ බවටයි පළමුවෙන් වාර්තා පළවුයේ.
ඒ අනුව නව ගමන් බලපත්‍රයක් ගැනීමට එක් අයෙකුට දැරීමට සිදුවන පිරිවැය වන ඩොලර් 300 ක මුදල ගෙවීමට පවා ඔප්ටස් සමාගම විසින් එකග වී තිබුණා.
කෙසේවෙතත් ඔප්ටස් සමාගම ඊයේ සිය පරිශීලකයන්ට දන්වා ඇත්තේ දැනට භාවිත කරන ගමන් බලපත්‍රයම තවදුරටත් භාවිත කිරීමේ කිසිදු බාධාවක් නොමැති බවයි.
