ඔස්ටේ්‍රලියාවේ ප්‍රධානතම සෞඛ්‍ය රක්ෂණ සමාගමක් වන මෙඩිබෑන්ක් වෙතද සයිබර් බලපෑමක් එල්ල වී තිබෙනවා.
කෙසේවෙතත් මෙමගින් කිසිදු දත්ත සොරාගැනීමක් වාර්තා වී නොමැති බවයි ඔවුන් අවධාරණය කර සිටින්නේ.
ඊයේ දිනයේදී සිය මෙහෙයුම් පද්ධතියේ කිසියම් අසාමාන්‍ය ක්‍රියාකාරකමක් නිරීක්ෂණය වූ බවත් ඒ අනුව වහා ආරක්ෂිත පියවරක් ගත් බවත් ඔවුන් කියාසිටියා.
ආරක්ෂිත පියවරක් ලෙස ගණුදෙනුකරුවන් සම්බන්ධ වන පද්ධති කිහිපයක් තාවකාලිකව අක්‍රීය කිරීමට මෙඩි බෑන්ක් පියවර ගෙන තිබෙනවා.
ඒ අනුව AHM සහ international student policy management මේ වනවිට අක්‍රීය කර තිබෙනවා.
ජාත්‍යන්තර සිසුන්ට මේ අනුව සිය සෞඛ්‍යාරක්ෂණ පද්ධතියට ඔන්ලයින් ක්‍රමයට පිවිසීමට අවස්ථාව හිමිවන්නේ නැහැ.
කිසිදු දත්තයක් හෝ පුද්ගලික තොරතුරු සොරාගැනීමකට ලක්ව නොමැති බවත් අවශ්‍ය ඕනෑම විමසීමක් සිය පාරිභෝගික මධ්‍යස්ථානයෙන් ලබාගත හැකි බවත් මෙඩිබෑන්ක් කියාසිටියා.
