පන්දුවාර 20 ලෝක කුසලානයේ ශ්‍රී ලංකා කණ්ඩායම සහභාගීවන පළමු පුහුණු තරගය අද පැවැත්වෙනවා.
මෙල්බන් වේලාවෙන් පස්වරු 02.30 ට සිම්බාබ්වේ කණ්ඩායමට එරෙහිව මෙල්බන් ජාත්‍යන්තර ක්‍රීඩාංගණයේදී එය ආරම්භ වනු ඇති.
මේ අතර පන්දුවාර 20 ලෝක කුසලානයේදී දග පන්දු යවන්නන් කෙරෙහි වැඩි බලාපොරොත්තුවක් තබන බව ශ්‍රී ලංකා ක්‍රීඩක ධනංජය ද සිල්වා පවසනවා.
ඔස්ටේ්‍රලියානු තණතිලිවල ස්වභාවය ඊට ප්‍රධාන හේතුව බවයි ඔහු කියාසිටියේ.
ඔස්ටේ්‍රලියාවේ දේශගුණයට හුරුවෙමින් පවතින බවත් ලබන ඉරිදා පැවැත්වෙන නැමීබියාවට එරෙහි තරගයට සාර්ථකව මුහුණුදීමට සමස්ත කණ්ඩායම හොඳ සුදානමකින් පසුවන බවත් ධනංජය ද සිල්වා Ausලංකා TV සමග විශේෂ සම්මුඛ සාකච්ඡාවකට එක්වෙමින් සඳහන් කලා.
ආසියානු කුසලාන ජයග්‍රහණයෙන් ලද පිටිවහල මෙම තරගාවලියේ ඉදිරියට යාමට ඉවහල් වනු ඇති බවත් ධනංජය ද සිල්වා කියාසිටියා.
පන්දුවාර 20 ලෝක කුසලාන තරග නැරඹීම සඳහා ඔස්ටේ්‍රලියාවේ වාසය කරන ලාංකිකයන් විශාල පිරිසක් පැමිණෙනු ඇතැයි බලාපොරොත්තු වන බවද ඔවුන්ගේ සහය අපේක්ෂා කරන බවද ධනංජය ද සිල්වා Ausලංකා TV සමග වැඩිදුරටත් ප්‍රකාශ කලා.
ධනංජය ද සිල්වා සමග Ausලංකා TV පැවැත්වූ සම්මුඛ සාකච්ඡාව පහතින් :
