ඔස්ටේ්‍රලියාවේ විශාලම සාප්පු සංකීර්ණය වන මෙල්බන් Chadstone හි පිහිටා ඇති සාප්පු සංකීර්ණය තවත් පුලුල් කිරීමට පියවර ගෙන තිබෙනවා.
ඒ අනුව ඩොලර් මිලියන 485 ක වියදමින් ඊට නව ගොඩනැගිල්ලක් ඉදි කිරීමටයි නියමිතව ඇත්තේ.
මේ යටතේ අලුතින් වෙළඳසැල් 50 ක් ඇතුළත් කිරීමටත් වර්ග මීටර් 20,000 ක වර්ග ප්‍රමාණයකින් සමන්විත නව කාර්යාල සංකීර්ණයක් ස්ථාපිත කිරීමටත් පියවර ගැනෙනු ඇති.
මූලික ඉදි කිරීම් දැනටමත් ආරම්භ කර ඇති අතර 2024 වසරේ සිට එම කටයුතු තවත් පුලුල් කිරීමට නියමිතයි.
මේ යටතේ නව රැකියා අවස්ථා 2100 ක් පමණ බිහිවනු ඇතැයිද වාර්තා වනවා.
රථගාලේ ගාල් කල හැකි වාහන සංඛ්‍යාවද 10,000 සිට 11,000 දක්වා ඉහළ නැංවීම මීට ඇතුළත් තවත් යෝජනාවක්.
