ගතවූ මූල්‍ය වර්ෂය සඳහා බටහිර ඔස්ටේ්‍රලියා ප්‍රාන්ත රජය ඩොලර් බිලියන 6 ක ලාභාංශයක් වාර්තා කර තිබෙනවා.
එය අපේක්ෂා කල ප්‍රමාණයට වඩා ඩොලර් මිලියන 344 ක අමතර ආදායම් ඉපැයීමක් බවයි විගණනයකදි අනාවරණ වී ඇත්තේ.
2021-22 මූල්‍ය වර්ෂය සඳහා බටහිර ඔස්ටේ්‍රලියා ප්‍රාන්ත රජයේ වියදම තක්සේරු කල අගයට වඩා ඩොලර් මිලියන 576 කින් පමණ අඩු වීම මෙම ඉහළ ලාභාංශයට ප්‍රධාන හේතුවයි.
කෙසේවෙතත් ප්‍රාන්ත රජයේ අපේක්ෂිත ආදායම ඩොලර් මිලියන 232 කින් පමණ පහළගොස් ඇති බවද වාර්තා වනවා.
ලබා ඇති අමතර ලාභාංශය යොදා ප්‍රාන්ත රජයේ ණය පියවීමට සහ යටිතල පහසුකම් වැඩි දියුණු කිරීමට යොදා ගැනීමටයි බටහිර ඔස්ටේ්‍රලියා ප්‍රාන්ත රජය සැලසුම් කර ඇත්තේ.
ඊට අමතරව රාජ්‍ය සේවක වැටුප් වැඩි කිරීම සඳහාද ප්‍රතිපාදන යෙදවීමට ප්‍රාන්ත රජය වැඩිදුරටත් අපේක්ෂා කර සිටිනවා.
ඒ අනුව සියයට 3 ත් සියයට 6.2 ත් අතර අගයකින් වැටුප් වැඩි කිරීමට නියමිතයි.
