දැනට ජීවතුන් අතර සිටින ඔස්ටේ්‍රලියාවේ ආදිවාසි ස්වදේශික ජනගහණය ලක්ෂ 10 කට ආසන්න වී තිබෙනවා.
සංඛ්‍යාලේඛණ කාර්යාංශයට අනුව දැනට මෙරට සිටින ඇබොරිජින් සහ ටෝරස් සමුද්‍ර සන්ධි දූපත්වාසීන් සංඛ්‍යාව 984,000 ක් පමණ වනවා.
එය ඔස්ටේ්‍රලියාවේ මුලු ජනගහණයෙන් සියයට 3.8 ක්.
2021 වසරේ ජූනි මාසයෙන් අවසන්වූ වසර 05 තුළදී ආදිවාසි ජනගහණයේ වැඩිවීම සියයට 23.2 ක් හෙවත් 185,600 ක් පමණ වනවා.
ඔස්ටේ්‍රලියාව තුළ ආදිවාසි ජනගහණයේ වැඩිම වර්ධන වේගයක් පෙන්නුම් කරන ප්‍රාන්තය බවට පත්ව ඇත්තේ වික්ටෝරියාවයි.
එහෙත් වැඩිම ආදිවාසි ජනගහණයක් සිටින ප්‍රාන්තය වන්නේ නිවු සවුත් වේල්ස් වන අතර එම සංඛ්‍යාව 340,000 කට ආසන්නයි.
