මෙල්බන් ගිණීකොණ දිග ප්‍රදේශයේ අද අලුයම සුලු භූ චලනයක් සිදුවී තිබෙනවා.
Port Phillip bay, Frankston යන ප්‍රදේශවලට අලුයම 5.40 ට පමණ එය දැනී ඇති බවයි භූ විද්‍යා අංශ සඳහන් කලේ.
මෙම කම්පනය රික්ටර් මාපකයේ සටහන් වී ඇත්තේ ඒකක 2.4 ක් ලෙසයි.
Geoscience Australia ට අනුව කම්පනය පොළව අභ්‍යන්තරයේ කිලෝමීටර් 6 ක් ගැඹුරින් සටහන් වී තිබෙනවා.
පුද්ගලයන් 100 ත් 150 ත් අතර පිරිසක් කම්පනය තමන්ට දැණුනු බවටයි වාර්තා කර ඇත්තේ.
මෙමගින් කිසිදු ජීවිත හානියක් – දේපළ හානියක් හෝ සුනාමි අනතුරු අවධානමක් නැතැයි Victoria SES පවසනවා.
