නිවු සවුත් වේල්ස් සහ වික්ටෝරියා ප්‍රාන්තවල ප්‍රදේශ රැසකට බලාත්මක වන පරිදි ජල ගැලීම් අනතුරු ඇගවීම් නිකුත් කර තිබෙනවා.
වික්ටෝරියා හි මරේ ගංගාව ආසන්නයේ ජීවත්වන ජනතාවටත් – නිවු සවුත් වේල්ස් හි Peel, Macquarie – Lachlan rivers – Tamworth, Gunnedah & Wee Waa යන ප්‍රදේශවල ජනතාවටත් ඒ අනුව වඩාත් විමසිල්ලෙන් පසුවන ලෙසයි උපදෙස් දී ඇත්තේ.
ඔස්ටේ්‍රලියාවට මේ වනවිට බලපා ඇති ලා නිනා කාළගුණ තත්වය මීට හේතුවී ඇති අතර මෙම වසරේදී ජල ගැලීම් අනතුරු ඇගවීමක් නිකුත් කෙරුණු 03 වන අවස්ථාවද මෙයයි.
මේ අතර ඊයේ දිනය පුරා ජල ගැලීම්වලට හසුව සිටි පුද්ගලයන් 11 දෙනකුගේ දිවි ගලවා ගැනීමට හැකිවු බව නිවු සවුත් වේල්ස් ආපදා සහන අංශ සඳහන් කලා.
ගංගා වේලි ආශ්‍රිතව රිය ධාවනයේදි විමසිලිමත් වන ලෙසත් රියදුරන්ට දැනුම්දීමක් සිදු කෙරෙනවා.
