රැජිණගේ අභාවයට ඔස්ටේ‍රලියාව තුළ ශෝක දිනයක් සහ නිවාඩු දිනයක්

02 වන එළිසබෙත් රැජිණගේ අභාවය වෙනුවෙන් ලබන 22 වනදා ඔස්ටේ‍රලියාව තුළ ජාතික ශෝක දිනයක් සහ ප්‍රසිද්ධ නිවාඩු දිනයක් ලෙස ප්‍රකාශයට පත් කර තිබෙනවා.

අගමැති ඇන්තනී ඇල්බනීස් පැවසුවේ ඔස්ටේ‍රලියානුවන්ට රැජිණ වෙනුවෙන් ඔවුන්ගේ කණගාටුව පළකිරීම සඳහා මෙම අවස්ථාව ලබාදෙන බවයි.

මේ පිළිබඳ සියලු ප්‍රාන්ත අගමැතිවරුන් දැනුවත් කර ඊයේ දිනයේදී ලිපි යොමුකල බවත් අගමැතිවරයා කියාසිටියා.

ඔවුන් සියලු දෙනාද තම යෝජනාවට එකගත්වය පළකල බවයි ඇන්තනී ඇල්බනීස් සඳහන් කලේ.

දෙවන එලිසබෙත් මහ රැජිනගේ අවසන් කටයුතු සැප්තැම්බර් 19 සඳුදා ලන්ඩනයේ වෙස්ට්මිනිස්ටර් ඇබේ හිදී පැවැත්වීමට නියමිත බව බකිංහැම් මාලිගය තහවුරු කර තිබෙනවා.

දේහය ලබන අඟහරුවාදා ලන්ඩනයට ගෙන යාමට පෙර ඉරිදා බැල්මොරල් මාලිගයේ සිට එඩින්බරෝ වෙත ගෙන යනු ඇති.

පසුව බදාදා සිට ලන්ඩනයේ වෙස්ට්මිනිස්ටර් ඇබේ හි පැවැත්වෙන අවමංගල්‍ය උත්සවයේ උදෑසන දක්වා වෙස්ට්මිනිස්ටර් ශාලාවේ දේහය තැන්පත් කර තැබීමට නියමිතයි.

මහ රැජිනගේ ස්වාමියා වූ පිලිප් කුමරුගේ දේහය මිහිදන් කර ඇති සොහොන් කොත පසෙකින් මහ රැජිනගේ දේහය මිහිදන් කෙරෙනු ඇති.

ඩොලර් 100 නෝට්ටුව ගැන ජනතාවට දැනුම්දීමක්

විදෙස් රටකදී ඔස්ට්‍රේලියානු ඩොලර් 100 නෝට්ටුවක් මාරු කිරීමට යාමේදී සිදු වූ අපහසුතාවක් පිළිබඳ ඔස්ට්‍රේලියා සංචාරකයෙකු විසින් ජනතාවට දැනුම්දීමක් සිදුකර තිබෙනවා.

Read More »

මෙල්බන් බලා ආ ගුවන් යානයක කලබලයක් නිසා හදිසි ගොඩබැස්වීමක්

පර්ත් සිට මෙල්බර්න් දක්වා පියාසර කරමින් තිබූ වර්ජින් සමාගමේ යානයක් මගියෙකුගේ කලහකාරී හැසිරීමක් හේතුවෙන් නැවත පර්ත් වෙත හදිසි ගොඩබැස් වීමක් සිදු කර තිබෙනවා.

Read More »

සිඩ්නි Cooks ගං ඉවුරේ දරු ප්‍රසූතියක් කළ මව සොයා මෙහෙයුම්

සිඩ්නිහි කුක්ස් ගං ඉවුරේදී කාන්තාවක් දරු ප්‍රසූතියක් සිදු කර ඇති බවට සාක්ෂි හමුවීම හේතුවෙන් පොලිසිය විශේෂ විමර්ශනයක් ආරම්භ කර තිබෙනවා.

Read More »

බටහිර ඔස්ට්‍රේලියාවේ ගිනි අවි සම්බන්ධ නීති දැඩි කිරීමට පියවර

පසුගියදා පර්ත්හි සිදුවූ වෙඩි තැබීමකින් මවක් සහ ඇයගේ දියණිය ඝාතනයෙන් පසු ගිනි අවි සම්බන්ධ නීති දැඩි කරන බවට බටහිර ඔස්ට්‍රේලියානු අගමැති රොජර් කුක් පොරොන්දු වී තිබෙනවා.

Read More »