ඔස්ටේ්‍රලියාවට පැමිණෙන ජාත්‍යන්තර ගුවන් යානාවලදී මුහුණු ආවරණ පැළඳීමේ අවශ්‍යතාවය අද සිට ඉවත් කර තිබෙනවා.
කොවිඩ් වෛරසයේ සීඝ්‍ර ව්‍යාප්තියත් සමග ඔස්ටේ්‍රලියාව විසින් පළමුවරට ජාත්‍යන්තර ගුවන් යානා තුළ මුහුණු ආවරණ පැළඳීම අනිවාර්ය කරනු ලැබුවේ 2021 වසරේ ජනවාරි මාසයේදීයි.
අද සිට එම නියමය ඉවත් කලද කැමති ඕනෑම අයෙකුට සිය අභිමතය පරිදි තවදුරටත් ගුවන් යානා තුළදී මුහුණු ආවරණ භාවිත කල හැකි වනවා.
අභ්‍යන්තර ගුවන් ගමන්වලදී මුහුණු ආවරණ පැළඳීමේ අවශ්‍යතාවය ඉවත් කිරීමට පසුගිය සතියේ රැස්වූ ජාතික කැබිනට් මණ්ඩලය විසින් තීරණයක් ගනු ලැබුවා.
මේ අතර දෛනික කොවිඩ් දත්ත වාර්තාකරණය අද සිට (09) සිට පූර්ණ වෙනසකට ලක් කිරීමට ඔස්ටේ්‍රලියානු සෞඛ්‍ය අංශ තීරණය කර තිබෙනවා.
අද සිට දෛනික කොවිඩ් තොරතුරු ප්‍රකාශයට පත් කිරීමක් සිදු නොවන අතර සතිපතා වාර්තාවක් ඉදිරිපත් කිරීම පමණක් සිදුවනු ඇති.
ෆෙඩරල් රජය – ප්‍රාන්ත රජයන් සහ සියලු සෞඛ්‍ය අමාත්‍යවරුන් සහ ප්‍රධාන සෞඛ්‍ය නිළධාරීන් එක්ව ගනු ලැබූ තීරණයක් අනුවයි එය ක්‍රියාත්මක වන්නේ.
මේ අනුව සෑම සතියකම බ්‍රහස්පතින්දා පස්වරුව වනවිට ලැබී ඇති කොවිඩ් තොරතුරු සිකුරාදා දිනවලදී ෆෙඩරල් රජය සහ එක් එක් ප්‍රාන්තය මට්ටමින් ඉදිරිපත් කිරීමට නියමිතයි.
