බ්රිතාන්යයේ දෙවන එළිසබෙත් මහ රැජිණගේ සෞඛ්ය තත්ත්වය සම්බන්ධයෙන් ඇයගේ වෛද්යවරුන් කනස්සල්ල පළකර තිබෙනවා.
ඇයට වෛද්ය අධීක්ෂණය යටතේ සිටින ලෙසට නිර්දේශ කර ඇති බවයි බකිංහැම් මාලිගය පවසන්නේ.
රැජින මේ වන විට බල්මොරල් මාලිගාවේ සිටින බව සඳහන්.
96 හැවිරිදි රැජිණගේ සෞඛ්යය පිළිබඳ අවධානය උත්සන්න වූයේ වෛද්යවරුන් ඇයට විවේක ගන්නා ලෙස නියෝග කිරීමෙන් පසුවයි.
චාල්ස් කුමරු ඇය අසල සිටි අතර විලියම් කුමරු ඇය සමඟ ගමන් කළ බව සඳහන්.
මේ අතර කෙන්සිංටන් මාලිගාවේ ප්රකාශකයෙක් පැවසුවේ කේම්බ්රිජ් ආදිපාදවරයා ද බල්මොරල් වෙත ගමන් කරමින් සිටින බවයි.
බකිංහැම් මාලිගයෙන් ලැබෙන ප්රවෘත්ති ගැන මුළු රටම දැඩි කනස්සල්ලට පත්වනු ඇතැයි අග්රාමාත්ය ලිස් ට්රස් ප්රකාශ කර තිබෙනවා.